Nazirlik məruz qaldıqları bombardmanlara aid video yayımlayıb.

Axar.az Türkiyə mətbuatına istinadən xəbər verir ki, İraqın Müdafiə Nazirliyi Səlahəddin bölgəsində İŞİD-in nəzarətində olan Beyci mahalına təşkil etdikləri əməliyyat zamanı silahlı hücuma məruz qaldıqlarını bəyan edib.

Bölgənin ən böyük neftayırma zavodunun hələ də İŞİD-in əlində olduğu və İraq ordusunun da ərazini yenidən ələ keçirmək üçün əməliyyat apardığı bildirilib. Hadisə ilə bağlı yayımlanan videoda İŞİD üzvlərinin İraq hərbçilərinə qarşı silahlı texnika ilə təchiz edilmiş vasitələrdən atəş açdığı görünür.

Qeyd edək ki, Müdafiə Nazirliyi əməliyyatlardakı ölü və yaralıların sayına dair məlumat paylaşmayıb.