Mak Kaul bu terror aktlarının İŞİD-in təbliğatı olduğunu deyib.

Axar.az xəbər verir ki, ABŞ Nümayəndələr Palatası Təhlükəsizlik Komitəsinin sədri Mak Kaul İŞİD-in internet vasitəsilə döyüş kampaniyası başlatdığını və bu savaşda qalib olduğunu bildirib:

"İŞİD internetdə döyüş kampaniyası başlatdı və ötən həftə Kanada ilə Nyu Yorkdakı üç nümunə onların bu döyüşdə qazandıqlarını göstərib".

Komitə rəhbəri Maykl Mak Kaul Kanadada ötən həftə baş verən iki terror hücumunun və Nyu Yorkda bir şəxsin balta ilə polisə hücum etməsinin internet vasitəsilə İŞİD-in təbliğatı olmasını bildirib. Bunun ardınca "Onlar Qərbə və ABŞ-a qarşı savaş kampaniyası başladıb və bu nümunələr də onların qazandığını göstərir", - deyə, Mak Kaul bildirib.