Mütəxəssislər bir çox adamın ağlına gəlməyəcək bir araşdırmaya imza atıb.

Axar.az xəbər verir ki, araşdırmaya görə, sən demə, Yer planeti ilə Ay arasında olan məsafəyə Günəş sisteminin bütün planetlərini sığışdırmaq olar.

"Universe Today" dərgisinin Astronomiya və kosmos xəbərləri bölməsinin yazarı Fraser Kain bu barədə araşdırmalara başlayaraq NASA-dan Günəş sisteminə daxil olan bütün planetlərin gerçək diametrini əldə edib. Onun açıqlamasına görə, bu, hər kəsdə təəccüb yaradacaq təsadüf ola bilməz:

"Belə bir araşdırma aparmaq qərarına gəldik. Əldə olunan nəticələrə görə, Merkuri 4,879, Venera 12,104, Mars 6,771, Yupiter 139,822, Saturn 116,464, Uran 50,724, Neptun isə 49,244 kilometr diametrindədir. Planetlərin ümumi diametri isə təxminən 380,008 kilometrdir. Yer və Ay arasındakı məsafə isə təxminən 384,400 kilometrdir. Bu hesaba görə, 4,392 km boşluq qalır. Beləliklə, diametri 2,300 kilometr olan Plutonu da bu boşluğa qoysaq, o zaman yenə də 2.092 km boşluq qalır. Bu, qeyri-adi hadisədir".