Səudiyyə Ərəbistanı rəhbərliyi Camal Qaşıqçı cinayətinin öhdəsindən gəlmək istəyirsə, yeni bir lider seçməlidir.

Axar.az xəbər verir ki, bu sözləri amerikalı senator Rand Paul bildirib.

Ər-Riyad rəhbərliyinin davranışlarının pisləşdiyini deyən Paul bu ölkənin başa düşdüyü yeganə yolun güc olduğunu söyləyib:

"Silah alverini dayandıraraq Səudiyyə Ərəbistanına bu gücü göstərməyə başlaya bilərik".

Qeyd edək ki, bundan öncə də amerikalı senator Lindsi Qrehem Səudiyyə Ərəbistanına Yəməndəki əməliyyatlar və Camal Qaşıqçının qətlinə görə sanksiya tətbiq edilməsini nəzərdə tutan qanun layihəsi ilə bağlı keçirilən mətbuat konfransında vəliəhd Məhəmməd bin Salmanın vəzifədən çıxarılmalı olduğunu bəyan edib.