Rusiya Prezidenti Vladimir Putin ukraynalıları faşist işğalçılarından azad olmasının 70 illiyi münasibətilə təbrik edib.

Axar.az RİA Novosti-yə istinadən xəbər verir ki, Putin Rusiya və Ukrayna xalqlarının yaxın dostluq ənənələrinin qorunmasının vacibliyini deyib.

"Bizim ata və babalarımız birlikdə Vətənin azadlığı və müstəqilliyi uğrunda mərdliklə vuruşaraq düşməni məhv edib və çoxdan gözlənilən Qələbəni yaxınlaşdırıblar. Biz onlar tərəfindən əsası qoyulmuş qardaşlıq ənənələrini quruyub saxlamalıyıq. Faşist ideologiyasının yayılmasının qarşısının alınması üçün gənc nəslin yüksək vətənpərvərlik dəyərləri üzərində maarifləndirilməsi vacibdir", - prezidentin Kremlin mətbuat xidməti tərəfindən yayılan müraciətində bildirilib.

Putin Ukrayna veteranlarına can sağlığı və gümrahlıq, bütün qardaş Ukrayna xalqına isə sülh və əmin-amanlıq arzulayıb.

Qeyd edək ki, oktyabrın 28-i Ukraynanın faşist işğalçılarından azad edilməsi günü kimi qeyd olunur. 2009-cu ilin oktyabrın 21-də o vaxtkı prezident Viktor Yuşenko bu günün ümummilli bayram kimi qeyd olunması üçün sərəncam imzalayıb.