"Ukrayna Prezidenti Pyotr Poroşenko Krım Məsələsi üzrə Nazirliyin yaradılmasını zəruri hesab edir".

Axar.az xəbər verir ki, bunu Krım tatarlarının lideri Mustafa Cəmilov söyləyib.

O, yaradılacaq nazirliyin əsas məqsədinin Krımın qaytarılması olduğunu bildirib:

"Bu nazirlik Rusiya tərəfindən işğal olunan Krım yarımadasının Ukraynaya qaytarılması məsələsi ilə məşğul olacaq. Ola bilər ki, yaradılacaq nazirlik təkcə Krım məsələsi ilə məşğul olmasın".

Qeyd edək ki, Nazirlər Kabinetində Krım məsələsi üzrə Dövlət Xidməti yaradılıb. Lakin hazırda onun funksiyaları və səlahiyyətləri hələ dəqiq bəlli deyil.