Uzunmüddətli iqtisadi durğunluq Rusiyanın rifahı üçün 10 təhdid yaradır.

Axar.az xəbər verir ki, bunu Rusiyanın Yabloko Partiyasının sədri Qriqori Yavlinski deyib.

“İqtisadiyyatımızda son beş ildə baş verənlər sayəsində ən yaxşı halda bizi 20 illik durğunluq gözləyir. Rusiya iqtisadiyyatı dünya iqtisadiyyatındaa sürətlə geri qalır. Belə durğunluq ölkə əhalisi üçün ciddi təhdidlər yaradır. Bu təhdidlər əhalinin gəlirlərinin azalması, yerli şirkətlərin sayının azalması, vətəndaşların borclarının artması, vergi təzyiqi artımının davam etməsi, dollarla hesablaşmanın dayandırılması, qiymət artımı, iqtisadi artım keyfiyyətinin pis olması, investisiyanın ölkədən qaçması, neft qiymətlərinin ucuzlaşmasının davamı və sanksiyalardır. Sanksiyalar getdikcə daha çox güclənir. Bu siyasət sayəsində Rusiya artıq hər kəsin sanksiya tətbiq edə biləcəyi ölkəyə çevrilib. Bu isə iqtisadiyyatı dağıdır, rifahı məhv edir və bizdən gələcəyimizi alır”, – deyə o bildirib.