Ana səhifə Planet |
Avstriyanın paytaxtı Vyanada 50 mindən çox insan iqtidardakı koalisiyanın müsəlman və qaçqınlara qarşı yeritdiyi siyasətə etiraz edib.
Axar.az xəbər verir ki şəhərin “Vestbahnhof” dəmir yolu vağzalına toplaşan etirazçılar “Hökumət bu ölkə üçün utancdır”, “Radikal sağçı hökumətə yox”, “Nazilərə yox” kimi plakatlar qaldırıblar. Vyana sakinləri müsəlmanların ölkələrində baş verən bütün mənfi hadisələrin səbəbkarı kimi göstərilməsini qınayıblar.
Etirazçılar məktəblərdə hicabın qadağan edilməsi ilə bağlı qanun layihəsinə etiraz edərək, türkcə “Hicab qadağası irqçilikdir” yazılan plakat qaldırıblar.
Bundan əlavə, etirazçılar hökumətin son bir il ərzində varlıların tərəfini saxlayaraq işçi və azgəlirli təbəqənin sosial hüquqlarının tapdaladığını bildiriblər.
Etirazlardan dolayı şəhərin küçələrində nəqliyyatın hərəkəti məhdudlaşıb.
Aktivistlər Avstirya Azadlıq Partiyasının sosial şəbəkələrdə “Əli” və “Mustafa” kimi müsəlman adları ilə bağlı irqçi paylaşımlarına “Hamımız Əliyik” plakatı ilə cavab veriblər.
Tarix
2018.12.16 / 01:14
|
Müəllif
Büllurə Yunus
|