"Ukraynada yeni parlament ölkədə vəziyyətin sabitləşməsinə kömək edəcək".

Axar.az "Rosbalt.ru"ya istinadən xəbər verir ki, bu barədə Qazaxıstan Xarici İşlər Nazirliyinin şərhində bildirilir.

Qazaxıstan hökuməti Ukraynada siyasi vəziyyətin stabilləşməsində yeni tərkibin əhəmiyyətli rol oyanaycağını qeyd edib:

"Qazaxıstan parlament seçkilərinin keçirilməsini alqışlayır. Yeni parlament Ukrayna xalqının maraqlarına uyğun lazımi islahatlar aparacaq, cəmiyyətdə milli barışıq, sabitlik üçün mühüm addım atılacaq".

Xatırladaq ki, oktyabrın 26-də Ukraynada keçirilən parlament seçkilərində Ali Radada ən çox yerə Prezident Poroşenko və Baş nazir Arseni Yaçenyukun bloku yiyələnmişdi.