Şimali İraq Regional Kürd Rəhbərliyinin təşəbbüsü ilə Türkiyədən Kobaniyə göndərilən ordunun ilk görüntüləri yayılıb.

Axar.az xəbər verir ki, Ərbildən göndərilən peşmərgə qüvvələri 80 hərbi maşınla yola çıxıb. Görüntülərdə Türkiyəyə hərəkət geden konvoyda uzun mənzilli top, zirehli texnika, nəqliyyat vasitələri, yük maşını və təcili tibbi yardım maşınlarının olduğu məlum olub.

Peşmərgə qrupunun bu gün gecə saatlarında xüsusi təyyarə ilə Ərbil Beynəlxalq Hava limanından Türkiyəyə keçməsi gözlənilir.

Peşmərgə naziri Mustafa Seyid Qədir Kobaniyə göndərilən peşmərgələrin xüsusi təlim keçmiş əsgərlərdən seçildiyini bildirib.