Ukrayna Hərbi Dəniz Qüvvələrinin “Priluki” adlı yeganə raket katerinin P-15M gəmi əleyhinə raketlərinin olduğu KT-97M “Termit” buraxılış konteynerləri sökülüb.

Axar.az xəbər verir ki, bu barədə katerin konteynersiz fotosunu paylaşan “Ukrayna hərbi portalı” məlumat yayıb.

Bir müddət əvvəl bildirilmişdi ki, katerə Ukrayna istehsalı olan “Neptun” gəmi əleyhinə raketlər quraşdırılacaq, amma hələlik həmin raketlər yoxdur. Həmin raketlər sovet və Rusiya istehsalı olan X-35 gəmi əleyhinə raketlərinin konstruksiyası üzərində quraşdırılsa da, sınaqdan keçirilməyib.

Qeyd edək ki, “Priluki” raket kateri 1980-ci ildə SSRİ Hərbi Dəniz Donanmasının silahlanmasına qəbul edilib. 1996-cı ildə isə Ukraynaya verilib.