Türkiyə Silahlı Qüvvələri barəsində “terrorçu” kəlməsi işlədən İŞİD-a qarşı koalisiyanın sözçüsü polkovnik Şon Rayan üzr istəyib.

Axar.az xəbər verir ki, Rayan bu barədə Tvitter mikrobloqunda paylaşım edib.

“Türkiyəni təhqir məzmunlu mətni yanlışlıqla paylaşdım. Hörmətsizlik etmək fikrim yox idi. Ortaq təhlükəsizliklə bağlı öhdəliyimiz var və İŞİD-in məğlubiyyətə uğradılması missiyasına sadiqik. Xahiş edirəm, üzrümü qəbul edin”, - deyə o bildirib.

Qeyd edək ki, Rayanın Türkiyə rəsmilərinin müdaxiləsindən sonra üzrxahlıq etdiyi deyilib.