Ermənistanın siyasi gələcəyi onun öz qonşularıyla münasibətini necə quracağından asılıdır.

Axar.az xəbər verir ki, bunu “Vestnik Kavkaza” saytına açıqlamasında rusiyalı jurnalist Vladislav Şurıqin deyib.

“Gümrüdəki 102-ci bazanı Ermənistanda saxlamağın mənası yoxdur. Bu, İrəvanla xüsusi əlaqələri olan keçmiş müdafiə naziri Qraçevin ermənilərə etdiyi şəxsi güzəşt idi. O, Ermənistana Rusiya himayəsiylə bağlı zəmanət vermək üçün burada hərbi baza yerləşdirdi. Onun burada yerləşməsinin heç vaxt heç bir ciddi əhəmiyyəti olmayıb. İndiki erməni rəhbərliyinin siyasəti və rolunu nəzərə alsaq, biz bu bazanı rahat şəkildə buradan çıxarda və qarşılığında heç nə itirməyə bilərik. Rusiyanın Ermənistanda hərbi mövcudluğunun bir sadə səbəbi var, o da Ermənistanın faktiki olaraq təcrid olunmuş vəziyyətdə olmasıyla bağlıdır. Bu ölkənin siyasi gələcəyi onun öz qonşularıyla münasibətini necə quracağından asılıdır. Bizim üçün hər zaman Azərbaycanla daha inkişaf etmiş münasibətlərə sahib olmaq önəmli olub, lakin müəyyən siyasi vəziyyətlərə görə, bunu zəif inkişaf etdirmişik”, – deyə o bildirib.