Terrorizmlə mübarizəyə həsr edilmiş beynəlxalq konfrans növbəti həftə Minskdə keçiriləcək.

Bu barədə Belorusiya DTK mətbuat xidmətindən məlumat veriblər. "Belorusiya Dövlət Təhlükəsizlik Komitəsi oktyabrın 30-31-də Milli Akademiyanın bazasında "Terrorizmlə mübarizədə dövlətlərin, ictimai sektorların və işgüzar cəmiyyətlərin tərəfdaşlığı – dialoq, razılaşma və qarşılıqlı fəaliyyət vasitəsilə təhlükəsizlik" mövzusunda beynəlxalq konfrans keçirəcək", - deyə məlumatda bildirilir.

Forumda KTMT (Kollektiv Təhlükəsizlik haqqında Müqavilə Təşkilatı) katibliyinin, MDВ Anti-terror mərkəzinin, ATƏT-in müvafiq strukturlarının, Rusiya, Qazaxıstan, Çin, İndoneziya, Nigeriya, Belçika, Fransanın dövlət rəsmiləri, eləcə də xarici diplomatik missiya nümayəndələri iştirak edəcəklər.

Gündəliyə sülh və razılıq, mədəniyyətlərarası, millətlərarası, dinlərarası məsələlər, eləcə də terrorizmlə mübarizədə dövlətlərin və işgüzar cəmiyyətlərin qarşılıqlı fəaliyəti sahəsindəki aktual problemlər, anti-terror müdafiə vasitələri və metodlarının təkmilləşdirilməsi məsələləri daxil edilib.