“Faynənşl Tayms” amerikalı milyarder Corc Sorosu ilin adamı seçib.

Axar.az xəbər verir ki, qəzet Sorosun 2018-ci il ərzində siyasətdəki populist tendensiyalara qarşı liberal demokratiyanın simvolu rolunu oynadığını bildirib. Məhz bu amilə görə, Sorosun ilin adamı seçildiyi vurğulanıb.

Qeyd edək ki, Soros əslən Macarıstandan olan yəhudidir. 88 yaşı olan iş adamının Açıq Cəmiyyət Fondunun fəaliyyətinə dünyanın bir sıra ölkələrində qadağa qoyulub. Buna səbəb isə Sorosun bu fond vasitəsilə rəngli inqilabları dəstəkləməsi olub. Belə ki, məhz Sorosun sayəsində postsovet məkanında bir sıra rəngli inqilablar gerçəkləşdirilib.

Maraqlı məqam odur ki, Sorosun öz vətənində - Macarıstanda belə fəaliyyəti qadağan olunub. O, həmçinin ABŞ-dakı son seçkidə Demokratlar Partiyasının əsas sponsoru kimi tanınıb. Soros hazırda Breksit əleyhdarlarının da əsas maliyyəçisi sayılır.

Sorosun sərvəti 8,3 milyard dollardır.