Amerikalı alim Boyd Buşman "Area 51" hərbi mərkəzində yadplanetlilərin yaşadığını etiraf edib.

Axar.az xəbər verir ki, Buşman "Area 51" mərkəzində mühəndis olaraq çalışarkən gizlicə ələ keçirdiyi yadplanetlilərin şəkillərini yayıb.

Alim ABŞ rəsmilərinin dəfələrlə inkar etdikləri "Area 51" mərkəzini gördüyünü deyib. Buşman həmin mərkəzdə bir qrup elm adamının yadplanetlilərlə bağlı araşdırmalar apardığını etiraf edib və yadplanetlilərin çəkilən şəkillərini sübut olaraq göstərib.

"Yadplanetlilərdən bir qrupu dünya insanları ilə mehriban davranır. İkinci qrup isə daha təhlükəlidir və insanlara düşmən münasibəti göstərirlər. Uzun barmaqlar və pərdəli ayaqları olanlar "Quintumnia" adlı planetdən dünyaya gəliblər".

Buşmanın yadplanetlilərlə bağlı etirafına ABŞ rəsmiləri hələ də reaksiya verməyiblər.

Qeyd edək ki, 40 ildən çox tədqiqat aparan alim 7 avqustda 78 yaşında vəfat edib.