ABŞ İŞİD-lə Suriyada vuruşmaq yerinə özünə diqqəti artırmalıdır.

Axar.az xəbər verir ki, bu sözləri öz Tvitter səhifəsində ABŞ Prezidenti Donald Tramp paylaşıb.

“Senator Lindsi Qrehemin əsgərlərin həyatının xilası və milyardlarla dollara qənaət edilməsinə qarşı çıxmasına inanmaq çox çətindir. Niyə biz Suriyada düşmənimizin xeyrinə savaşıb, İŞİD-çiləri Dəməşqə, Rusiyaya və İrana görə öldürməliyik? Ölkəmizə diqqət ayırmağın və gəncləri evlərinə gətirməyin vaxtı çatıb”, – deyə o bildirib.

Qeyd edək ki, Trampın Suriyadan ABŞ əsgərlərinin çıxarılması qərarına qarşı çıxanlardan biri də senator Qrehemdir.