Türkiyə kimi ölkələr İŞİD problemini həll etməlidir.

Axar.az xəbər verir ki, bu sözləri ABŞ Prezidenti Donald Tramp Tvitter hesabında yazıb. O, mediada ABŞ hökumətinin bağlanması ilə bağlı yayılan xəbərlərə də münasibət bildirib:

“Ağ Evdəyəm, çox işləyirəm. Hökumətin bağlanması və Suriya ilə bağlı xəbərlərin çoxu saxtadır. Çox ehtiyac duyulan sərhədlərin təhlükəsizliyi mövzusunda demokratlarla müzakirə aparırıq. Bu, uzun müddət davam edə bilər.

Suriya məsələsinə gəlincə isə, əslində orada 3 ay qalacaqdıq, amma 7 ildir Suriyadan çıxmadıq. Prezident seçiləndə İŞİD vəhşiləşirdi. İndi isə İŞİD böyük nisbətdə məğlub olub və Türkiyə kimi ölkələr İŞİD-dən geriyə qalan nə varsa, öhdəsindən gəlməlidir. Evə qayıdırıq”.

Qeyd edək ki, bundan əvvəl ABŞ-da federal hökumətin büdcəsinin qəbul edilmədiyi üçün hökumətin bağlandığı barədə məlumatlar yayılmışdı.