Göstəriş verilməyənə qədər Məscidi-Əqsaya girişə icazə verilməyəcək.

Axar.az Türkiyə mətbuatına istinadən xəbər verir ki, İsrail polisi Qüdsdə xeyli sayda radikal dindara qarşı təşkil olunan silahlı hücumdan sonra Məscidi-Əqsanın bağlandığını bildirib.

Qərarın məscidin açılışına göstəriş verilənə qədər qüvvədə olacağı və yəhudilər də daxil heç kimin girişinə icazə verilməyəcəyi qeyd olunub.

İsrail mətbuatında silahlı insident zamanı yaralanan hahamın (musəvilikdə din adamı) Yəhuda Qlik adlı şəxs olduğu yazılıb. Bundan əlavə Yəhudanın həddindən artıq radikal bir təşkilatın sədri olduğu da məlumatlar arasında yer alıb.