Türkiyə lideri Rəcəb Tayyib Ərdoğan amerikalı həmkarı ilə telefon danışığında ABŞ qoşunlarının Suriyadan çıxması ilə bağlı qarşı tərəfə istənilən yardımı etməyə hazır olduğunu bildirdi.

Axar.az xəbər verir ki, bu sözləri Türkiyə Prezident Administrasiyanın adı açıqlanmayan yüksək rütbəli nümayəndəsi Ərdoğanla Tramp arasında söhbətin daha dərin detalları ilə bağlı danışarkən bildirib.

O qeyd edib ki, söhbət zamanı türk lider Vaşinqtonun bu addımından çox məmnun olduğunu dilə gətirib.

Qeyd edək ki, dekabrın 23-də Ərdoğanla Trampın telefon söhbəti baş tutub.