Ana səhifə Planet |
2018.12.24 - 21:10
ABŞ-ın Suriyadan geri çəkilmə qərarı hərbi manevrdir.
Axar.az xəbər verir ki, bunu iraqlı hərbi ekspert Əhməd Şərifi bildirib. Şərifi bölgədəki əsgərlərin İraqdakı bazalara göndəriləcəyini deyib:
"Amerikalılar artıq Ərbildə bazasını genişləndirməyə başlayıb. Əsgərlərin bəziləri Bağdad və İraq-Suriya sərhədləri arasındakı Eyn əl-Əsəd bazasına göndəriləcək. Bu əməliyyatın hüquqi əsasları Bağdadla Vaşinqton arasındakı əməkdaşlıq müqaviləsidir və Vaşinqton da Birləşmiş Millətlər Təşkilatının İŞİD əleyhinə fəaliyyət göstərmək səlahiyyətinə malikdir".
***
Vaşinqtondan Suriyadakı əsgərlərin Ərbilə yerləşdiriləcəyi barədə hər hansı müraciət edilməyib.
Bunu İraq Baş naziri Adil Əbdülmehdi deyib.
"Bu məsələdə dəqiq bir məlumat yoxdur və bizim üçün heç bir tələbat da yoxdur. Xüsusilə, ABŞ qüvvələrinin İraq hökumətinin razılığı ilə ölkəmizdə geniş fəaliyyəti var", - nazir söyləyib.
Tarix
2018.12.25 / 00:07
|
Müəllif
Pərviz Həsənov
|