Rusiya xüsusi xidmət orqanları Belarusiya, Ermənistan, Moldova, Qazaxıstan və Qırğızıstandakı beşinci kolon nümayəndələrinin hərbi hazırlığı üçün düşərgələr təşkil edib.

Axar.az xəbər verir ki, bu iddia ilə Polşanın "Gazeta Viborcza" qəzeti çıxış edib.

Qəzet hərbi hazırlığın əsas səbəbinin Ukraynanın şərqində olduğu kimi, digər ölkələrdə də destabilizasiyanın yaranmasına start verməkdən ibarət olduğunu deyib. Həmçinin, Belarusiyada "Kazakların xilası" adlanan təşkilatın olduğu və burada uşaq desantların hazırlanmasına başlanıldığı bildirilib.

Azyaşlılara düşərgələrdə Rusiya və SSRİ tarixi, eləcə də atəş açmaq, əlbəyaxa döyüşməyin yolları öyrəldilir.
Hər il bu tip düşərgələrə 150 nəfərin toplanıldığını vurğulanır. Bu cür hazırlıq Qaqauziya və Ermənistanda da aparılır.