Kiyev və Avropa Birliyi arasında assosiativ razılaşmanın böyük hissəsi bu gün qüvvəyə minir.

Axar.az RİA Novostiyə istinadən bldirir ki, yalnız sərbəst ticarət zonasına dair (STZ) bölmə 2016-ci il yanvarın 1-dən işə başlayacaq.

Artıq Rusiya hökuməti "Ukrayna AB ilə razılaşmanın iqtisadi maddələrini şərtləşdirilmiş müddətdən əvvəl tətbiq edərsə, müdafiə tədbirlərinin görülməsinə dair" qətnamə qəbul edib.

Sənəd AB-yə üzv ölkələrin parlamentləri tərəfindən təsdiq edildikdən sonra tam həcmdə qüvvəyə minəcək. Ukrayna XİN hesab edir ki, bunünçün bir ildən üç ilədək vaxt gedə bilər.

Xatırladaq ki, Ukrayna Prezidenti Petro Poroşenko dəfələrlə avropalı tərəfdaşlarını razılaşmanın təsdiqinin sürətləndiriliməsinə səsləyib. Hazırda AB-nin 28 üzv ölkəsindən 10-a yaxını sənədi təsdiqləyib. Ukrayna-AB assosiasiya şurasının birinci təsis iclasının dekabrın ortalarında keçiriləcəyi ehtimal edilir.