Rusiya lideri Vladimir Putinlə Almaniya kansleri Angela Merkelin telefon söhbəti baş tutub.

Axar.az xəbər verir ki, bu barədə Kreml mətbuat xidməti məlumat yayıb.

Bildirilib ki, tərəflər Kerç boğazında yaşanan insidentdən sonrakı durum və Suriya böhranın tənzimlənməsi ilə bağlı fikir mübadiləsi aparıblar.

“Suriya böhranının yoluna qoyulması ilə bağlı 27 oktyabr tarixində İstanbulda baş tutan dördtərəfli (Fransa-Almaniya-Türkiyə-Rusiya) zirvə sammitində qəbul edilən qərarların icrasına yönəlik müzakirə aparıldı”, - deyə bildirilib.

Putin eyni zamanda əlavə edib ki, Astana prosesinin qarant ölkələri ilə Konstitusiya Komitəsinin qurulması yönündə aparılan iş Suriyada uzunmüddətli və ümidverici həll prosesi şərtlərinin yaranmasına təkan verir.

Bundan əlavə, rəsmilər ABŞ-ın Suriyadan hərbi qüvvələri çıxarmaq barədə qərarına toxunublar.