22:01

Rusiyanın Xantı-Mansiysk Muxtar Mahalının Neftyuqansk rayonunda “Rosneft” şirkətinə məxsus avtobusun iki yük maşını və bir minik avtomobili ilə toqquşması nəticəsində baş vermiş yol qəzasında altı nəfər ölüb, 18 nəfər yaralanıb.

Axar.az xəbər verir ki, mahalın səhiyyə idarəsindən verilən məlumata görə, hadisə yerində 7 təcili yardım briqadası işləyir. Yaralıları Surqut, Neftyuqansk və Poykovski xəstəxanalarına çatdırıblar. Onlardan on ikisinin vəziyyəti ağırdır.

Qəzanın səbəbinin şaxtalı və fırtınalı hava şəraiti, həmçinin yolların buz bağlaması olduğu bildirilir.

***

Qəza nəticəsində ölənlər arasında əslən azərbaycanlı olan 1973-cü il təvəllüdlü Rasim Ağaxanov da var.

Daha 2 azərbaycanlı - 1989-cu il təvəllüdlü Ruslan İsgəndərov və 1988-ci il təvəllüdlü Nail Mansurov xəsarət alıb.

Qəza "MAZ" markalı yük avtomobilinin qarşı hərəkət zolağına çıxması nəticəsində baş verib. Belə ki, burada "Rosneft" ASC-nin Nefteyuqansk filialının əməkdaşlarını daşıyan avtobusla toqquşub. Ardınca "Qazel", "Niva" və yanacaqdaşıyan maşın da onlara çırpılıb.