Ana səhifə Planet |
İyunun əvvəlində Kanadanın şərqində Nyu Bransuik əyalətində Monkton şəhərində üç polis zabitini güllələyən 24 yaşlı Castin Burk yaxın 75 il ərzində vaxtından əvvəl azadlıq hüququndan məhrum edilməklə beş ömürlük müddətə həbs cəzasına məhkum edilib.
Axar.az RİA Novostiyə istinadən bildirir ki, C.Burkun açdığı atəş nəticəsində üç polis zabiti ölüb, iki nəfər isə yaralanıb. Onun həbs edilməsinə xüsusi təyinatlılar və aviasiya da cəlb edilib. Axtarışlar 30 saata qədər davam edib. Məhkəmə prosesi avqustda başlayıb.
CBC Nyus telekanalının bildirdiyinə görə, Nyu Bransuik əyalət məhkəməsi Burku üç qətl və iki qətlə təşəbbüs ittihamı ilə hər birinə bir ömürlük cəza olmaqla beş ömürlük cəzaya məhkum edib. Nyu Bransuikdəki Kral kürsüsü məhkəməsinin sədri Devid Smit bildirib ki, beş ömürlük müddət icbari şərt idi. Sual doğuran yeganə məsələ - qatilin müddətdən əvvəl azadlığa buraxılması üçün müraciət edə biləcəyi vaxta qədər həbsxanada keçirəcəyi illərin sayı idi. Məhkəmənin qərarına əsasən, həmin vaxtacan Burkun 99 yaşı tamam olmalıdır.
Castin Burka kəsilən cəza müddəti Kanadanın bütün tarixi boyunca ən uzunmüddətli cəza olacaq. Vəkilin sözlərinə görə, müttəhim apelyasiya şikayəti vermək niyyətndə deyil.
Tarix
2014.11.02 / 01:29
|
Müəllif
Təhminə C.B.
|