"Ukraynanın şimal sərhədləri zəifdir. Çünki orada olan qüvvələr ölkənin şərqinə göndərilib. Rusiyanın Qara dənizdə çoxlu döyüş gəmisi var. Ukraynaya hücum şimaldan və cənubdan ola bilər".

Axar.az xəbər verir ki, bu açıqlama ilə amerikalı hərbi ekspert Filip Karber çıxış edib. Onun sözlərinə görə, Rusiya 2015-ci ilin yazında Ukraynaya hücuma keçəcək:

"Kreml Krımda müvəffəqiyyətlə başa çatdırdığı planı yenidən təkrarlaya bilər. Çox güman ki, Rusiya 2015-ci ilin yazında Ukraynaya böyük hücum təşkil edəcək. Rusiya orduda rotasiyalar edir, əsgərlərini hazırlayır və qüvvələrini ön xəttə çəkir. Ötən il olduğu kimi, yenə də müharibənin baş verəcəyini göstərən səbəblər var. Ukraynanın şimal sərhədləri zəifdir. Çünki orada olan qüvvələr ölkənin şərqinə göndərilib. Rusiyanın Qara dənizdə çox sayda döyüş gəmisi var. Ukraynaya hücum şimaldan və cənubdan ola bilər. Ukrayna eyni anda bir neçə istiqamətdən gələn rus ordusunun hücumlarına hazır olmalıdır. Ölkənin təhlükəsizliyi təmin edilməlidir. Bu mərhələdə Qərb Ukraynaya kömək etməli və ona müasir silahlar verməlidir".