"ABŞ-ın ənənəvi xarici siyasəti ikipartiyalı olub. Odur ki, xarici siyasətdə böyük fikir ayrılığından danışmağa dəyməz, o, çox az dəyişəcək".

Axar.az bildirir ki, RİA Novosti-nin müraciət etdiyi ekspertlərin fikri belədir.

4 noyabr seçkilərinin nəticələrinə görə, ABŞ-ın Respublikaçılar Partiyası parlamentin hər iki palatasında əksər səsləri qazana bilər. Lakin ekspertlərin fikrincə, ABŞ və Rusiyanın münasibətləri dəyişməz olaraq qalacaq.

ABŞ Konqresindəki aralıq seçkiləri həm də seçicilərin Prezident Barak Obamaya etibarının özünəməxsus indikatoru olacaq. Nümayəndələr Palatasındakı 435 yerin hamısı, Senatda 33, qubernator kürsülərində 36 yer və 46 ştatın qanunvericilik məclislərindəki deputat mandatları təhlükə qarşısında qalacaq. Respublikaçıların Konqresin aşağı palatasında əksər səsləri toplayacağı mübahisə doğurmur.

Hazırda əsas mübarizə demokatik senatın kimə çatacağından ibarətdir. CNN-in hesablamalarına görə, yuxarı palatada demokratların tutduqları doqquz yer risk altındadır. Çoxluğu əldə etmək üçünsə respublikaçıların cəmi altı yerə ehtiyacları var.