Ana səhifə Planet |
ABŞ Prezidenti Barak Obama Asiya səfərinə hazırlaşır.
Axar.az xəbər verir ki, prezident səfər çərçivəsində Çin, Myanma və Avstraliyanı ziyarət edəcək.
Ağ Ev sözçüsü Coş Ernest verdiyi açıqlamada səfərin 10-16 noyabr tarixlərində reallaşacağını bildirib:
"Obama 10-12 noyabr tarixlərində Çində Asiya Sakit okean İqtisadi Əməkdaşlıq Təşkilatı (APEC) liderləri ilə görüşəcək və CEO zirvəsinə qatılacaq. Daha sonra Obamanın Çin prezidenti ilə görüşü olacaq".
Səfər proqramına əsasən, Obama 12-14 noyabr tarixlərində Myanmada olacaq. Şərqi Asiya Sammiti və ABŞ-Cənub Şərqi Asiya Beynəlxalq Birliyi (ASEAN) sammitində iştirakı gözlənilən prezidentin daha sonra Avstraliyaya səfər edəcəyi nəzərdə tutulub.
Daha sonra Obama Avstraliyanın Brisben şəhərində keçiriləcək G20 zirvəsinə qatılacaq.
Tarix
2014.11.04 / 23:46
|
Müəllif
Şəmsəddin Ənsar
|