Ana səhifə Planet |
ABŞ-da yaşayan və nurçuların lideri kimi tanınan Fətullah Gülən "Zaman" qəzetinin keçmiş yazarı və bir vaxtlar ona yaxın olduğu iddia olunan Hüseyn Gülərcəni məhkəməyə verməyə hazırlaşır.
Axar.az xəbər verir ki, bu barədə liderin rəsmi Tvitter hesabında məlumat verilib.
Türkiyə mətbuatında yer alan xəbərlərə görə, Gülənin Gülərcəni məhkəməyə verməyinə səbəb onun barəsində dediyi böhtanlar olub.
Bu addıma münasibət bildirən H.Gülərcə heç kimə böhtan atmadığını deyib:
"Həyatımda heç kimə böhtan atmamışam. Əlimdə konkret məlumat, sənəd olmadan kimsəyə istinad etməmişəm. Məhkəmədə hesablaşmaq ən doğrusudur. Millətimiz, dövlətimiz üçün doğru olanın ortaya çıxması lazımdır. Əsas odur ki, həqiqət bilinsin. Həqiqət eşqinə hesablaşmaq mənə ağır gəlməz. 65 yaşım var və bəhanə gətirmək mənə yaraşmaz".
Xatırladaq ki, bir müddət öncə H.Gülərcə və bir qrup jurnalist Fətullah Gülənə Türkiyəyə qayıtması çağırışını etmişdi.
Tarix
2014.11.05 / 00:01
|
Müəllif
Şəmsəddin Ənsar
|