"Qaqauz Eli Ordusu" adlı gizli qrupunun yaradılması ilə bağlı xəbər həqiqəti əks etdirmir.

Axar.az xəbər verir ki, bu açıqlama ilə Qaqauziya Muxtariyyətinin lideri Mixail Formuzal çıxış edib.

O, Moldova xüsusi xidmət orqanları tərəfindən bu "ordu"da xidmət etmək adı ilə hər hansı bir şəxsin həbs edilməsinin sadəcə qaqauzlara qarşı provokasiya olduğunu bildirib:

"Doğrudur, bir sıra qüvvələr Qaqauziyada vəziyyəti qeyri-stabil etməyə çalışırlar. Onlar bütün vasitələrlə bölgədə konflikt yaratmağa çalışırlar. Qaqauziyada hər şey qaydasındadır. Burada seçkilərə hazırlıq rahat keçir. Biz Qaqauziyada separatçıların əl-qol açması üçün imkan yaratmayacağıq. Burada heç bir gizli ordu yoxdur".

Qeyd edək ki, bir müddət öncə mətbuatda Rusiyanın öz ərazisində və Ukraynada türklərdən ibarət "G.E. Army" adlanan bir qrup hazırladığını, onlardan Qaqauziyada istifadə etməyi nəzərdə tutması haqda məlumatlar yayılmışdı.