Tamhüquqlu və müstəqil Ukrayna kilsəsi Rusiya Prezidenti Vladimir Putin üçün siyasi fəlakətdir.

Axar.az xəbər verir ki, bu iddia ilə Polşanın “Qazeta Viborça” qəzeti çıxış edib. Qəzet Donbas müharibəsi və Krımın anneksiyası fonunda ukraynalılar mərhələli şəkildə Kremlin nəzarətində olan kilsədən özlərinkinə keçəcəklərini bildirib:

“Ukrayna Pravoslav Kilsəsinin yaradılmasının təkcə siyasi və dini yox, həm də tarixi əhəmiyyəti var. Belə ki, bunun sayəsində Kreml 1654-cü ildən bu yana özünün hesab etdiyi şeydən məhrum oldu. Ukrayna kilsəsinə avtokefaliya verilməsi həmçinin Moskvanın üçüncü Roma, yəni dünya xristian sivilizasiyası formasında əks edildiyi köhnə konsepsiyanın bitməsi deməkdir. Bu həmçinin Putinin rus dünyası adlanan və pravoslav slavyanların birləşdirilməsini nəzərdə tutan imperialist ideyasının fiaskosu demək idi. Əgər bu gün Putinin idarəetməsi bitsəydi, o, tarixə uğursuz kimi düşərdi. Belə ki, onun dövründə Rusiyanın təsirindən əvvəlcə Gürcüstan, sonra isə Ukrayna çıxdı. Bu “vilayətlərin” itirilməsiylə Rusiya imperiya olmaqdan məhrum olur. Putin isə bundan sonra öz ölkəsinin tarixində SSRİ-ni parçalamaqda ittiham edilən Mixail Qorbaçovla yanaşı dura bilər. Məhz o, Rusiya təsirinin itirilməsinə görə məsuliyyət daşıyır. O, imperiyanı öz qonşularına qarşı aqressiv yanaşmaları və hərbi avantüraları ilə süquta doğru yönləndirdi”.