Bir həftə bundan öncə İŞİD tərəfindən İraqın Mosul şəhərinə qaçırılan 12 jurnalistdən 4-ü qətlə yetirilib.

Axar.az "Manşethaber.com" saytına istinadən xəbər verir ki, alman agentliklərinin yaydığı məlumata görə, terrorçular başları kəsilərək qətlə yetirdikləri jurnalistlərin cəsədlərini Mosul sağlamlıq mərkəzinə veriblər.

Qaçırılıdıqları iddia edilən jurnalistlərin Mosul İnsan Haqları təşkilatı tərəfindən itkin düşdüyü bildirilsə də, İngiltərənin "Qardian" qəzeti də jurnalistlərdən 3-nün kimliyini təsbit etdiyini yazıb. Belə ki, Talal Qais, Valid Akid, Əşrəf Abadi qaçırılanlar arasında olublar.

Xatırladaq ki, İŞİD daha əvvəl amerikalı jurnalistlər Ceyms Foleyve, Steven Sotloff ilə ingilis səhiyyə işçiləri Alan Henninq və Devid Hainesin başlarını kəsərək qətlə yetirmiş və bunun video görüntülərini yayımlamışdı.