Suriyanın Kobani şəhərində İŞİD mühasirəsi davam etdiyi bir vaxtda Türkiyənin başına yeni dərd açılıb.

Axar.az xəbər verir ki, Əl Qaidənin Suriya qolu olan Əl Nusra Türkiyənin Cilvegözü sərhəd məntəqəsinə bitişik Bab əl-Hava sərhəd məntəqəsini ələ keçirib.

İngiltərədə yayımlanan və Suriya müxaliflərinə yaxınlığı ilə seçilən Suriya İnsan Haqları Təşkilatı bu barədə məlumat verərək, Əl Nusra cəbhəsinin Azad Suriya Ordusu ilə birlikdə hərəkət edən Suriya İnqilabçılar Cəbhəsinin (SDC) nəzarətindəki İdlibin Cəbəl Zaviyə bölgəsinin böyük qisimini nəzarət altına aldığını açıqlayıb.

"Vaşinqton Post" qəzetinin verdiyi məlumata görə, bu hadisədən sonra ABŞ Əl Nusraya qarşı əməliyyatlara başlamağı planlaşdırır.