Ana səhifə Planet |
15:25
Türkiyənin Xarici İşlər nazir Mövlud Çavuşoğlu ilə ABŞ Dövlət katibi Mayk Pompeo arasında telefon danışığı baş tutub.
Axar.az xəbər verir ki, bu barədə Türkiyə mətbuatı yazıb.
Pompeo-Çavuşoğlu danışığında Suriyada baş verən son yeniliklər müzakirə edilib.
***
ABŞ Dövlət katibi Mayk Pompeo Türkiyənin Xarici İşlər nazir Mövlud Çavuşoğlu ilə baş tutan telefon danışığı baradə açıqlama verib.
O, Suriya ilə bağlı danışıqların müsbət olduğunu, həmçinin həm Türkiyə, həm də Suriya kürdlərini qoruyan yaxşı bir nəticə əldə edə biləcəklərinə ümid etdiyini söyləyib.
Pompeo ABŞ qüvvələrinin Suriyadan çəkilməsinin taktika dəyişikliyi olduğunu bildirərək, ABŞ-ın İŞİD və İrana qarşı hərbi potensialını dəyişmədiyini qeyd edib.
***
ABŞ Dövlət katibliyinin sözçüsü Robert Palladino Türkiyənin Xarici İşlər naziri Mövlud Çavuşoğlu ilə ABŞ Dövlət katibi Mayk Pompeo arasında baş tutan telefon danışığı barədə məlumat yayıb.
O, tərəflərin ABŞ-ın Suriyadan çıxması məsələsini müzakirə etdiklərini bildirib.
Palladino telefon danışığı zamanı FETÖ istintaqı çərçivəsində Türkiyədə həbsdə olan ABŞ vətəndaşı Sərkan Qayanın və digər konsulluq işçilərinin vəziyyəti barədə fikir mübadiləsi aparıldığını qeyd edib.
Tarix
2019.01.12 / 23:56
|
Müəllif
Orxan, Nərmin, Büllurə
|