ABŞ-da Trampa qarşı "cadugər ovu" davam edərkən ikili münasibətlərin düzəlməsi gözlənilmir.

Axar.az xəbər verir ki, bu sözləri rusiyalı senator Konstantin Kosaçev ABŞ Prezidenti Donald Trampın Rusiya ilə münasibətlərin yaxın gələcəkdə düzəlməsi barədə sosial şəbəkədəki paylaşımını Sputnik-ə şərh edərkən deyib. O bildirib ki, sözügedən açıqlama şübhəsiz Rusiya üçün deyil:

“Trampın bu sözləri ABŞ-ın daxilindəki müxaliflər üçün hazırlanıb və oradakı əsas fikir "Rusiyaya qarşı digərlərindən daha sərt oldum" sözləridir".

Qeyd edək ki, FTB-nin Donald Trampın Rusiya ilə münasibətlərini gizli şəkildə araşdırması barədə yayılan məlumatdan sonra Tramp Tvitter hesabında Rusiyaya qarşı hər zaman sərt mövqedə olduğunu bildirərək, gələcəkdə münasibətlərin düzələcəyinə ümid etdiyini vurğulamışdı.