Federal Təhqiqatlar Bürosunun (FTB) mənim Rusiyaya məxfi şəkildə işləməyimlə bağlı araşdırma aparması barədə yayımlanan məqalə çox təhqiramizdir.

Axar.az xəbər verir ki, bunu “Foks Nyus”a müsahibəsində ABŞ Prezidenti Donald Tramp deyib.

“Mən bunu indiyə qədər oxuduğum ən təhqiramiz məqalə hesab edirəm. Bu, böyük təhqirdir. Mən Ceyms Komini (FTB-nin eks-şefi) onun yalançı və dəhşətli işlər görməsiylə əlaqədar qovmuşam. Mən Rusiyaya qarşı Amerikanın indiyə qədər olan liderlərindən daha sərt siyasət aparıram”, – deyə o bildirib.

Qeyd edək ki, bundan öncə ABŞ-ın “Nyu York Tayms” qəzeti öz etibarlı mənbələrinə istinadən 2017-ci ildə FTB-nin Trampın Rusiyaya məxfi şəkildə çalışmasıyla əlaqədar araşdırma başlatdığı barədə məlumat yayıb.