Ana səhifə Planet |
Polşanın İrandakı müvəqqəti işlər vəkili İran Xarici İşlər Nazirliyinə çağırılıb.
Axar.az xəbər verir ki, bu məlumat İran XİN-in rəsmi saytında yer alıb. Ona fevralın 13-ü və 14-də Varşavada baş tutacaq Yaxın Şərq sammitiylə bağlı etiraz təqdim edilib.
Rəsmi Tehran baş tutacaq konfransın ABŞ tərəfindən İrana qarşı düşmən xarakterli addım kimi dəyərləndirdiyini və Polşanın bu konfransın keçirilməsi məsələsində ABŞ-la olan əməkdaşlığını dayandırması gərəkdiyini bildirib. Polşanın müvəqqəti işlər vəkili bu sammitin İrana qarşı yönəlmədiyini bəyan edib. XİN-dən isə ona bu cavabın yetərli olmadığı, Polşanın bu iş üçün təcili tədbirlər görməsi gərəkdiyi, əks təqdirdə Tehranın cavab addımları atacağı bildirilib.
Qeyd edək ki, Yaxın Şərq sammiti ABŞ-ın təşəbbüsüylə keçirilir.
Tarix
2019.01.13 / 11:58
|
Müəllif
İlkin Həsənov
|