09:52

Türkiyə kürdlərlə yox, terrorçularla mübarizə aparır.

Axar.az xəbər verir ki, bunu jurnalistlərə açıqlamasında Türkiyə Prezidentinin mətbuat katibi İbrahim Qalın deyib. Onun sözlərinə görə, kürdləri ABŞ-ın terror təşkilatları siyahısında olan PKK və onun Suriya filialı olan YPG ilə müqayisə etmək böyük səhvdir:

“Türkiyə kürdlərlə yox, terrorçularla mübarizə aparır. Biz kürdləri və digər suriyalıları bütün terror təhdidlərindən qoruyacağıq. ABŞ-ı straterji tərəfdaşlığımıza hörmət etməyə çağırırıq. İŞİD-in PKK və YPG ilə heç bir fərqi yoxdur. Biz onlarla mübarizəni davam etdirəcəyik”.

Qeyd edək ki, az öncə ABŞ Prezidenti Donald Tramp Türkiyəni təhdid edərək, kürdlərə hücumu dayandırmağa çağırıb, əks təqdirdə iqtisadi sanksiyalarla hədələyib.