Rusiyanın Xarici İşlər naziri Sergey Lavrov və Baş nazirin müavini İqor Şuvalov yüksək səviyyəli alman iş adamları ilə gizli görüş keçiriblər.

Axar.az xəbər verir ki, bu barədə Rusiyanın "Kommersant" qəzeti öz qaynaqlarına istinadən məlumat yayıb. Ötən gün Moskvaya 15 alman iş adamının gəldiyi bildirilir.

Dünən gerçəkləşən gizli görüşdə rus-alman əlaqələri, ölkəyə qarşı qoyulan sanksiyalar və Rusiyanın böhrandan çıxış yolları müzakirə edilib.

Moskvaya gələn şirkət rəsmiləri Rusiyaya tətbiq edilən sanksiyaların ləğvi üçün uzun müddət mübarizə aparıblar.

Qeyd edək ki, iş adamlarından fərqli olaraq alman hökuməti Moskvaya qarşı sərt mövqe nümayiş etdirir.