Rusiya-Türkiyə əməkdaşlığı Suriya böhranının həlli üçün kritik əhəmiyyətə malikdir.

Axar.az xəbər verir ki, bu barədə Türkiyə Prezidenti Rəcəb Tayyib Ərdoğanın Rusiyanın "Kommersant" qəzetində yayımlanan məqaləsində bildirilib.

"Suriyada 2011-ci ildən bəri davam edən və minlərlə insanın həyatına bais olan vətəndaş müharibəsi ABŞ-ın ordusunu geri çəkməsi ilə yeni mərhələyə keçir. Trampa da Türkiyənin yeni prosesdə Yaxın Şərqdə sülh və sabitliyi təmin etməkdə qərarlı olduğunu bildirdim. ABŞ ordusunun Suriyadan çəkilməsi doğru bir addımdır. Türkiyə olaraq qonşumuzun ərazi bütövlüyünü mühafizə edəcək, Suriya cəmiyyətinin hamısının siyasi iştirakını təmin edəcək və zorakılıq səbəbindən köçmək məcburiyyətində qalan insanların ölkələrinə qayıtmasını təmin edəcək bir siyasi həllin tərəfdarıyıq. Bu məqsədlərə çatmaq üçün Türkiyə və Rusiyanın əməkdaşlığa davam etməsi lazımdır", - Ərdoğan vurğulayıb.