"Tornado" qırıcı-bombardmançı təyyarələrinə artıq bir çox muzeylərdə yer tapılıb, ancaq bu təyyarələr hələ də alman ordusunun silahlanmasında yer alır. Almaniyanın Müdafiə Nazirliyi isə onların dəyişdirilməsi ilə bağlı heç cür qərar verə bilmir.

Axar.az xəbər verir ki, bu barədə “Die Velt” nəşrində məqalə dərc edilib.

”Tornado” qırıcıları ABŞ, Bolqarıstan, hətta Almaniyanın özündə belə eksponat qismində sərgilənir”, - müqalədə bildirilib.

Sözügedən texnika 1980-ci illərdən alman ordusunun silahlanmasına daxil edilib və daha müasir “Eurofighter” qırıcıları ilə birgə Hərbi Hava Qüvvələrinin əsasını təşkil edir. Almaniyanın Müdafiə Nazirliyi bu qırıcıların xidmətindən 2025-ci ilə qədər faydalanmaq niyyətindədir.

Məqalə müəllifinin fikrincə, bu məsələdə Almaniya hökuməti qərarsız qalıb. Onlar ABŞ istehsalı olan qırıcılara yönəlməyə çalışır, “Airbus” konserni isə onlara ən yeni “Eurofighter”lərini təklif edir. Bu qərarsızlıqdan zərər çəkən alman ordusudur. Belə ki, köhnə təyyarələrin istismar xərcləri hər ötən gün artır, detalları tapmaq və almaq daha da çətinləşir.