Rusiya Xarici İşlər Nazirliyi Valday konfransında Prezident Vladimir Putinin Tükiyə Prezidenti Rəcəb Tayyib Ərdoğana "diktator" deməsi ətrafında yayılan xəbərləri təkzib edib.

Axar.az xəbər verir ki, nazirlik yayılan məlumatların yalan olduğunu bildirərək Putinin belə sözlər işlətmədiyini vurğulaylb:

"Putinin Ərdoğanı "demaqoq diktator" adlandırması və terrora dəstək verdiyini deməsi yalandır".

Nazirlik İngiltərənin "AVDnevs" portalına verdiyi açıqlamada bu xəbərin 24 oktyabr 2014-cü Valday konfransından sonra yayıldığını deyib:

"Putinin çıxışı dövlət televiziyalarında canlı olaraq verildi. Bütün mətn də vergülə qədər əlimizdədir. Bu sözləri yazanların Putinin konfransda nə zaman olduğu və forumun nə zaman keçirildiyi barədə məlumatı yoxdur. Ola bilsin ki, onlar hansısa qüvvələrin təsiri altında bu şayiələri yayıblar".

Xatırladaq ki, nüfuzlu "AVDnevs" portalı bir müddət öncə Putinin Ərdoğanı Suriya siyasəti və beynəlxalq terrorla mübarizə mövzusunda sərt şəkildə tənqid edərək "demaqoq diktator" adlandırdığını iddia etmişdi.