ABŞ YPG/PKK terrorçularına çox sayda tank əleyhinə raketlər verməklə Rusiya ordusunun 1995-ci ildə Qroznıda yaşadığı faciəni Menbiçdə türk ordusunun başına gətirməyi planlaşdırır.

Axar.az xəbər verir ki, bu barədə “Yeni Akit” nəşri informasiya yayıb. Məlumata görə, ABŞ gizli yollarla terrorçulara “Javelin” və “Tov” tipli raketlər göndərib. Menbiçin bir çox nöqtəsində bu raketlər türk ordusunun hücum ehtimalına qarşı gizlədilib.

Burada məqsəd isə 1995-ci ildə Qroznıya daxil olarkən Cövhər Dudayevin rəhbərlik etdiyi çeçen döyüşçülərinin etdiyi kimi, ağır texnikanı tamamilə məhv etməkdir. Belə ki, sözügedən döyüşdə rus texnikası (81-ci zirehli alay) və 131-ci Maykop briqadası çeçenlərin raket, minaatan və digər ağır silahlardan açdığı atəşin ortasında qalaraq məhv edilmişdi. Türkiyə ordusuna da Menbiçdə oxşar son hazırlanması üçün tələ qurulub.

Xəbərdə eyni zamanda türk kəşfiyyatının belə bir plana qarşı mübarizə aparmaq üçün hazırlıqlar gördüyü, Menbiçdə tank əleyhinə raketlərin gizlədildiyi anbarların axtarışında olduğu qeyd edilib.

Menbiç əməliyyatının ləngiməsinin əsas səbəbi kimi də elə məhz bu məqam göstərilir.