Ana səhifə Planet |
"Rusiyanın regionda birinci məqsədi Gürcüstanda NATO-nun hərbi infrastrukturunun yaradılmasının qarşısını almaqdır".
Axar.az xəbər verir ki, bu açıqlama ilə rusiyalı ekspert Mixail Çernov çıxış edib.
O, Rusiyanın Ermənistanla birbaşa sərhədlərə malik olmalı olduğunu deyib:
"Hazırda Rusiyanın tanıdığı Qafqaz "dövlətləri" olan Abxaziya və Cənubi Osetiyanı öz tərkibinə inteqrasiya etdirməsi heç də onun cənuba tərəf hərəkət edərək Qafqazla bağlı qarşısına qoyduğu məqsədlərə nail olmasını dayandırmaq demək deyil. Rusiyanın regionda bu tipli iki məqsədi var və onlar bir-biri ilə dolayısı yolla bağlıdırlar. Bunlardan birincisi, Gürcüstanda NATO-nun hərbi infrastrukturunun yaradılmasının qarşısını almaqdır. İkinci əsas vəzifə isə, Ermənistana etibarlı, birbaşa çıxış yolunun təmin edilməsidir. Bu ölkə Avrasiya İqtisadi Birliyinə üzv olub və İrəvanın bu ittifaqda potensialının tam reallaşması üçün Rusiya ilə birbaşa sərhədlərə malik olmalıdır. Bundan başqa, Rusiyanın nəqliyyat qovşaqlarını nəzarətdə saxlaması Ermənistandakı 102-ci hərbi bazanın tam hərəkətinə imkan verəcək".
Tarix
2014.11.08 / 09:00
|
Müəllif
İlkin Həsənov
|