"Macarıstan öz qərarını ABŞ-ın istəyi ilə verdi".

Axar.az xəbər verir ki, bu barədə Rusiya dumasının Xarici əlaqələr komitəsinin rəhbəri, deputat Aleksey Puşkov özünün Tvitter profilində yazıb. Onun sözlərinə görə, ABŞ başqa ölkələrin yerinə qərar qəbul edir:

"ABŞ Rusiya ilə enerji münasibətlərində Macarıstanı öz təsir dairəsinə salmağa çalışır. ABŞ indi Macarıstana daha çox təzyiq edəcək. Xüsusilə, bu daha çox NATO-nun müttəfiqləri olan ölkələrdə özünü göstərəcək. Rəsmi Vaşinqton tezliklə bütün dünyanı öz təsir dairəsinə salacaq".

Qeyd edək ki, noyabrın 4-də Macarıstan Avropa İttifaqının qaydalarını pozaraq Rusiyanın "Cənub axını" qaz kəməri layihəsinin tikintisinə başlamaq barədə qərar verib.