"Ukrayna xüsusi təfəkkürə malik ölkə olduğundan böhrandan çıxış üçün bu dövlətə xüsusi yanaşma lazımdır".

Axar.az xəbər verir ki, bunu ukraynalı iqtisadçı Aleksandr Kirş söyləyib.

Onun sözlərinə görə, Marşal planı Ukrayna üçün çıxış yolu deyil:

"Marşal planı"nın tətbiq edildiyi ölkələr həyat səviyyəsinə, sosial sistemə, düşüncə tərzinə görə bir-birinə çox oxşardılar. Ukrayna isə bu planda xeyli fərqlənir, ən azından ölkəmizdə korrupsiya səviyyəsinin 70-80%-ə çatdığını nəzərə almalıyıq. Çünki mən Almaniyada müharibədən sonra işğal zonalarında korrupsiyanın bizim ölkə ilə eyni səviyyədə olduğunu düşünmürəm. Burada yarım əsr bundan əvvəl sivil dövlətlərdə istifadə olunan daha fərqli tədbirlər lazımdır. Ölkəmizin hazırkı inkişaf mərhələsində bizim xilas yolumuz - sosial problemlərin həlli üçün vahid vergi və onların büdcəyə ödənilməsidir".

Qeyd edək ki, "Marşal planı" İkinci Dünya Müharibəsindən sonra ABŞ tərəfindən tətbiq edilməyə başlanılıb. Bu planın mahiyyəti soyuq müharibə zamanı şiddətlənmiş kommunist təbliğatına qarşı ABŞ-ın Qərb dövlətləri və digər toplumlara iqtisadi yardım göstərməsi idi.