Ukrayna Təhlükəsizlik Xidmətinin (UTX) əməkdaşı may ayında Rusiyayönümlü separatçılara Donetsk hava limanını ələ keçirməyə kömək edib.

Axar.az xəbər verir ki, UTX əməkdaşının separatçılara yardım etdiyi anın videosu yayımlanıb. Yayımlanan videoda UTX əməkdaşının öz elektron açarından istifadə edərək qapını açdığı və separatçıları hava limanının ərazisinə buraxdığı əks olunur.

Ukrayna Təhlükəsizlik Xidməti separatçılara yardım edən əməkdaşını həbs edib və onun barəsində cinayət işi açılıb.

Qeyd edək ki, mayın 26-da Rusiyayönümlü separatçılar hücum edərək Donetsk hava limanına ələ keçiriblər. Bir neçə gün sonra Ukrayna ordusu anti-terror əməliyyatları təşkil edərək hava limanını öz nəzarəti altına alıb.