Çin dövlət başçısı Si Szinpinin dəvəti ilə bu ölkəyə gələn ABŞ Prezidenti Barak Obamanın səfəri Ağ Ev tərəfindən "faydalı başlanğıc" adlandırılıb.

Axar.az xəbər verir ki, adı çəkilməyən Ağ Ev nümayəndəsi dünən axşam prezidentlərin görüşünün faydalı olacağını deyib.

Bu gün keçiriləcək danışıqlarda mühüm razılaşmalar olacağını bildirən Ağ Ev rəsmisi qlobal problemlərin müzakirə olunduğunu açıqlayıb:

"İqtisadi artım, atmosferin çirklənməsi, Şimali Koreya və İran kimi qlobal təhlükəsizlik mövzularında danışıqlar olub. Dünən keçirilən görüş nəzərdə tutulandan 2 saat çox davam edib. Ümid edirik ki, danışıqların nəticəsi olacaq".

Xatırladaq ki, dünən paytaxt Pekində hər iki dövlətin nümayəndələrinin görüşündən sonra bu gün prezidentlər jurnalistlərin suallarını cavablandıracaq.