Rusiya Prezidenti Vladimir Putin rus diplomatları peşə bayramı münasibətilə təbrik edib.

Axar.az xəbər verir ki, təbrik mətni Kremlin mətbuat xidməti tərəfindən yayımlanıb.

“Hazırkı çətin mühitdə, beynəlxalq təhlükəsizliyin və qanunun aliliyinin ciddi sınaqlarla qarşı-qarşıya qaldığı bir vaxtda siz diplomatların qarşısında vacib, genişmiqyaslı tapşırıqlar dayanır”, - Putin bildirib.

Prezident diplomatlar qarşısında aşağıdakı tapşırıqları qoyub: beynəlxalq hüququn əsas prinsiplərini və BMT-nin sistemli rolunu dəstəkləmək, terror təhlükəsi ilə mübarizə üçün dünya ictimaiyyətini birləşdirmək, Suriyadakı sülh prosesinin daha irəli aparılması və digər böhran vəziyyətlərinin tənzimlənməsi.